Padrig Wlyb

Padrig Wlyb

Enghraifft o'r canlynol	seren fôr ffuglenol, cymeriad animeiddiedig
Crëwr	Stephen Hillenburg
Lliw/iau	pinc
Ffeiliau perthnasol ar Gomin Wicimedia

Cymeriad ffuglennol o'r gyfres deledu animeiddiedig Americanaidd SpynjBob Pantsgwâr yw Padrig Wlyb (Saesneg: Patrick Star). Mae'n cael ei leisio gan yr actor Bill Fagerbakke yn y fersiwn Saesneg wreiddiol a gan yr actor Rhys Parry Jones yn y trosleisiad Cymraeg. Cafodd Padrig greu a'i ddylunio gan y biolegydd morol ac animeiddiwr Stephen Hillenburg. Ymddangosodd gyntaf ym mhennod beilot y gyfres "Help Wanted" ar Fai 1, 1999. Yn ogystal â'i rôl gefnogol ar SpynjBob Pantsgwâr, mae Padrig hefyd yn gwasanaethu fel prif gymeriad The Patrick Star Show, a berfformiodd am y tro cyntaf yn 2021.

Yn seren fôr binc sydd dros ei bwysau, mae Padrig Wlyb yn byw o dan graig yn ninas danddwr Pant-y-Bicini, drws nesaf i dŷ Sulwyn Surbwch. Ei nodweddion cymeriad mwyaf arwyddocaol yw ei ddiogi a'i ddeallusrwydd isel, er ei fod weithiau'n dangos ei fod yn gallach nag y mae'n ymddangos. Mae ei anwybodaeth yn aml yn ei gael ef a'i ffrind gorau, SpynjBob Pantsgwâr, i drafferthion. Mae Padrig yn ddi-waith ac yn arbenigwr hunan-gyhoeddedig yn y "gelfyddyd o wneud dim".

Mae'r cymeriad wedi derbyn ymatebion cadarnhaol gan feirniaid a chefnogwyr fel ei gilydd. Mae Padrig wedi'i gynnwys mewn amrywiol nwyddau sy'n gysylltiedig â SpynjBob Pantsgwâr, gan gynnwys cardiau masnachu, gemau fideo, teganau moethus, a llyfrau comig. Mae hefyd yn gymeriad blaenllaw yn y tair ffilm sy'n seiliedig ar y fasnachfraint.